بازآباد کاری کے لیے معاوضہ جلد

بیرکپورپارلیمانی حلقے میں بھاٹ پاڑہ اطراف میں سیاسی پارٹیوں کے حامیوں کے درمیان جھڑپ کے دوران عام لوگوں کے جو نقصان ہوئے ہیں اس کی جلد بھرپائی کی جائے گی۔

بیرکپور پارلیمانی حلقے سے بی جے پی کے نومنتخب ایم ایل اے ارجن سنگھ نے سیاسی پارٹیوں کے درمیان جھڑپ کے دوران تباہ شدہ گھروں کاجائزہ لیا۔ متاثرین سے ملاقات کی اور باز آبادکاری کے لیے جلد سے جلد معاوضہ دینے کا اعلان کیا۔

ارجن سنگھ نے کہاکہ ترنمول کانگریس کی غنڈہ گردی سے تباہ شدہ گھروں کی مرمت اور متاثر ین کی بازآبادکاری کے لیے جلد سے جلد کوئی راستہ ڈھونڈنا ہوگا۔

ریاستی حکومت کواس سلسلے میں کیہ مرتبہ خط لکھ چکاہوں مگروہاں سے اب تک کوئی مثبت جواب نہیں ملا ہے۔

بھاٹ پاڑہ اور کانکیہ نارہ میں جن لوگوں کے گھروں میں توڑ پھوڑ ہوئی ہے وہ تمام افراد ہماری جماعت سے تعلق رکھتے ہیں۔

بی جے پی کے رہنما کے مطابق ریاستی حکومت اگر مدد نہیں کرتی ہے تو میں اپنے لوگوں کی مددکروں گا اور ان کی بازآبادکاری کےلیے معاوضہ دوں گا۔