ماں کا خیال آتے ہی زخمی کرکٹر چوٹ بھول گیا

عالمی کرکٹ کپ میں 18 جون کو انگلینڈ اور افغانستان کے درمیان کھیلے جانے والے میچ میں حشمت اللہ شہیدی کے ہیلمٹ سے گیند ٹکڑائی تھی اور وہ میدان پر لیٹ گئے تھے۔

افغانستان کے بلے باز حشمت اللہ شہیدی نے میچ کے بعد میڈیا کو بتا یا کہ وہ چوٹ لگنے کے بعد زمین پر گر گئے تھے، تاہم وہ جلد ہی کھڑے اس لیے ہو گئے یوں کہ انہیں احساس تھا کہ ان کی والدہ میچ دیکھ رہی ہیں۔

ان کا کہنا تھا کہ مجھے لگا کہ اگر میں جلد کھڑا نہیں ہو تا تو شاید میری ماں کو زیادہ صدمہ ہو گا۔

حشمت اللہ شہیدی کو میچ کی دوسری اننگ کے30 ویں اوور میں چوٹ لگی تھی تب وہ 24 رنز بنا کر کھیل رہے تھے۔ انگلینڈ کے گیند باز مارک ووڈ کی 90 میل فی گھنٹے کی رفتار سے پھینکی گئی گیند کو حشمت اللہ سمجھ نہیں سکے اور گیند ان کے ہیلمٹ سے ٹکرائی، جس کے بعد وہ میدان پر ہی لیٹ گئے تھے۔

میدان پر ہی ابتدائی طبی خدمات حاصل کرنے کے بعد انہوں نے دوبارہ بیٹنگ کی اور 76 رنز کی اننگ کھیلی۔