ہڑتال ختم ہونے سے مریضوں کوراحت

وزیراعلیٰ ممتابنرجی کے ساتھ میٹنگ کامیاب ہونے کے بعد گزشتہ دس دنوں سے جاری ڈاکٹروں کی ہڑتال ختم ہونے سے مغر بی بنگال کے ہسپتالوں میں مریضوں کی بڑی راحت ملی۔

وزیر اعلیٰ ممتا بنرجی سے جونیئر ڈاکٹروں کی ملاقات کے چند گھنٹے بعد جونیئر ڈاکٹروں نے ہڑتال کو ختم کرنے کا گزشتہ رات اعلان کردیا ہے۔

این آ ر ایس مڈیکل کالج اینڈ ہسپتال، ایس ایس کے ایم، آر جی کر کالج اینڈ ہسپتال، چترنجن مڈیکل کالج اینڈ ہسپتال،کلکتہ نیشنل مڈیکل کالج اینڈ ہسپتال سمیت مغر بی بنگال کے تمام سرکاری ہستپالوں میں آ ج صبح سے مریضوں کی بڑی بھیڑ دیکھی گئی۔

مغر بی بنگال کے ہستپالوں میں آ ج صبح سے ہی جونیئر ڈاکٹروں نے کام کا آغازکیا۔ہڑتال کی وجہ سے جن مریضوں کو ہستپالوں میں داخلہ نہیں ملاتھا انہیں داخل کیاگیا۔

سرکاری ہسپتالوں کے تمام شعبوں میں ڈاکٹروں کی بڑی تعداد دیکھی گئی۔تمام شعبوں میں مریضوں کی تعداد بھی اچھی خاصی رہی۔ڈاکٹروں نے خوشگوار موڈ میں نظر آئے۔

مریضوں کے رشتہ داروں کاکہناہے کہ ہڑتال ختم ہونے سے بڑی راحت ملی ہے۔ہڑتال کی وجہ سے ہمیں بڑی دشواریوں کا سامناکرنا پڑا تھا۔لیکن اب سب کچھ بہتر ہوتا نظر آ رہا ہے۔

انہوں نے کہاکہ ہڑتال نہیں ہونی چا ہیے تھی ۔ ہڑتال کسی مسئلے کا حل نہیں ہے۔وزیراعلیٰ ممتابنرجی کی حکمت عملی کی وجہ سے ہڑتال ختم ہوئی۔امید کرتے ہیں مستقبل میں دوبارہ ایسا نہ ہو۔