نئی ہٹی میونپسلٹی میں بی جے پی کے حامیوں کی توڑ پھوڑ کی مخالفت کر تے ہوئے دھرنے میں بیٹھے مغر بی بنگال کی وزیر اعلیٰ ممتا بنر جی نے کہاکہ پارلیمانی انتخابات میں چند سیٹیں کیا مل گئیں فرقہ پرست جماعت بی جے پی آپے سے باہر نکل آ ئی ہے۔
میرے لیے ہندواور مسلمان ایک ہیں ان کا مزید کہنا تھا:' چٹ فنڈ اور غیرقانونی دھندے کرنے والے تاجروں کے روپے کی بد ولت ووٹ خریدنےو الی پارٹی بی جے پی کو اسمبلی انتخابات میں مز ہ چکھایا جائے گا۔ اسمبلی انتخابات میں بی جے پی کو ایک سیٹ نہیں ملے گی۔ لوگ خود بی جے پی کے امیدواروں کومار کے بھگائیں گے'۔
انہوں نے کہاکہ مغربی بنگال کے عوام بیدارہیں ۔ انہیں پتہ ہے کہ بی جے پی کون سی پارٹی ہے اور اس کا مقصد کیا ہے۔ایک دن آ ئے گا جب فساد کے ذریعہ اقتدار پانے والی پارٹی کوعوام کی حمایت حاصل نہیں ہوگی۔
ممتا بنرجی نے کہاکہ میں ہندومسلمان کے درمیان کوئی فرق نہیں سمجھتی ہوں۔ ریاست میں ہندواور مسلمان کے درمیان کوئی فرق نہیں ہے ۔مگربی جے پی نے پورے ملک کو مذہب کے نام پر دوحصوں میں بانٹ دیا ہے۔
ترنمول سپریمو نے کہاکہ مغر بی بنگال میں بی جے پی کی ناپاک سازش کبھی کامیاب نہیں ہو گی۔ لوگ بی جے پی کو کراراجواب دیں گے۔
وزیراعلیٰ مغربی بنگال نے کہاکہ آ ر ایس ایس کوجواب دینے کےلیے مغر بی بنگال کے 400 بلاک میں جے ہندواہنی قائم کیا جا ئے گا۔ جے ہندوواہنی میں نوجوان لڑکے لڑکیاں، عورتیں،بوڑھے تمام لوگ شامل ہوں گے ۔ جے ہند واہنی کے ذریعہ آرایس ایس پر لگام کساجائے گا۔
