رسوئی گیس کی قیمت میں اضافہ

رسوئی گیس کی قیمت مسلسل تیسرے ماہ اضافہ ہوا ہے۔

یکم مئی سے قومی راجدھانی دہلی میں سبسڈی والا گھریلو گیس سلنڈر 28 پیسے اور بغیر سبسڈی والا چھ روپے مہنگا ہو گیا۔

انڈین آئل کارپوریشن سے ملنے والی اطلاعات کے مطابق، بدھ سے دہلی میں سبسڈی والا 14.2 کلو گرام کا گیس سلنڈر 496.14 روپے کا ہو گیا۔ اپریل میں اس کی قیمت 495.86 روپے تھی۔

بغیر سبسڈی والے گھریلو گیس سلینڈر کی قیمت 706.50 روپے سے بڑھ کر 712.50 روپے ہو گئی۔کولکتہ، ممبئی اور چنئی میں بھی سبسڈی والا گیس سلنڈر 29 پیسے تک اور بغیر سبسڈی والا چھ چھ روپے مہنگا ہوا ہے ۔