پاس دریا اور پیاسے لوگ

جموں کے بعض علاقوں میں اتنی قیامت خیز گرمی پڑ رہی ہے کہ انسان تو انسان چرند و پرند بھی پانی کے لیے ترس رہے ہیں۔

ان علاقوں میں لوور دوواڈہ ایک ایسا گاؤں ہیں جہاں پانی کا صرف ایک ٹیوب ویل ہےجس سے پورے گاؤں کے لوگ اپنی پانی کی ضرورت کو پورا کرتے ہیں۔

یہ ٹیوب ویل بھی گاؤں سے آدھے کلومیٹر کی دوری پر ہے جس کی وجہ سے خواتین کو اس شدید گرمی میں پانی لانے میں دشواریاں کا سامنا کرنا پڑ رہا ہیں۔

ای ٹی وی بھارت کے ساتھ بات کرتے ہوئے ایک مقامی خاتون نے کہا کہ پانی کی قلت ہونے کے سبب لوگوں کو کافی مشکلات درپیش ہیں۔

دیگر مقامی خاتون روبینہ بانو کا کہنا ہےکہ انہیں پانی لانے کے لیے کئی کلومیٹر دور جانا پڑتا ہے جس کے سبب گھر پر موجود ان کے چھوٹے بچوں کی دیکھ بال کرنے والا کوئی نہیں ہوتا۔

انہوں نے اس تعلق سے ضلع انتظامیہ سے علاقے میں مزید ٹیوب ویل مہیا کرانے کا مطالبہ کیا ہے۔

گاؤں والوں کے پاس پینے کے پانی کا متبادل دریائے توی موجود ہے لیکن وہ گاؤں سے 3 کلومیٹر کی دور ی پر ہے جہاں سے بغیر نقل و حمل کے پانی لانا مشکل ہے۔