سوپور میں پولیس تھانے پر گرینیڈ حملہ

شمالی کشمیر کے سوپور قصبے میں پولیس تھانے پر ہوئے گرینیڈ حملے میں دو پولیس اہلکار زخمی ہوئے ہیں۔

حکام کا کہا ہے کہ مشتبہ عسکریت پسندوں نے جمعے کو بعد دوپہر پولیس تھانے کی جانب ایک ہتھ گولہ پھینکا جس سے منتشر ہوئے آہنی ریزوں سے کم از کم دو پولیس اہلکار زخمی ہوگئے۔

زخمی اہلکاروں کی شناخت عبدالعزیز اور علی محمد کے طور ہوئی ہے جنہیں علاج کیلئے مقامی اسپتال میں داخل کیا گیا۔

سوپور تھانہ کو بیسویں بار عسکریت پسندوں نے دھماکوں اور فائرنگ کا نشانہ بنایا ہے۔

دھماکے کے بعد علاقے میں سراسیمگی پھیل گئی۔

کسی بھی عسکریت پسند تنظیم نے فوری طور اس دھماکے کی ذمہ داری قبول نہیں کی۔