گلین میکگرا ریاست کے دارالحکومت رانچی کے جے ایس سی اے اسٹیڈیم میں ریاستی کھلاڑیوں کو تیزگیند بازی کی تربیت دینے کے مقصد سے پہنچے۔
میکگرا نے ویڈیو سیشن کے ذریعے کھلاڑیوں کو ان کی خامیاں بھی گنوائیں، اس دوران انھوں نے میڈیا سے مخاطبت کے دوران بھارتی کرکٹ ٹیم کے سابق کپتان اور موجودہ وکٹ کیپر مہیندر سنگھ دھونی کے ساتھ ساتھ رانچی کی بھی تعریف کی۔
سابق گیند باز جھارکھنڈ کے گیند بازوں کو ٹریننگ دینے کے مقصد سے چار روز کے لیے گزشتہ سنیچر ہی رانچی پہنچ گئے تھے جہاں انھوں نے پورے اسٹیڈیم کا معائنہ کیا۔
میکگرا نے جھارکھنڈ کی انڈر-19 اور انڈر -23 کی رنجی ٹیم کے تیز گیند بازوں کو گیند بازی سے متعلق کافی اہم معلومات دیں۔ جس میں انھوں نے مشق کرنے کی صحیح تکنیک، چوٹ سے بچنے کے طریقے اور آف سیزن میں تیز گیند بازی کی روٹین وغیرہ جیسی معلومات دیں۔
میکگرا نےکہا کہ جھارکھنڈ میں صلاحیتوں کی کوئی کمی نہیں ہے بس انھیں تھوڑا نکھارنے کی ضرورت ہے اس دوران جے ایس سی اے کے نائب صدر اجئے ناتھ شاہ دیو نے کہا کہ اس طرح کے پروگرام منعقد کئے جانے سے کرکڑوں کا کافی فائدہ حاصل ہوتا ہے۔