اعظم خان نے سادھوی پرگیہ ٹھاکر کے حالیہ بیان جس میں انہوں نے گوڈسے کو محب وطن کہا تھا پر تبصرہ کرتے ہوئے کہا کہ جس طرح خاکی نکر آر ایس ایس کی پہچان ہے اسی طرح ناتھو رام گوڈسے بھی آر ایس ایس کی پہچان ہے۔
پرگیہ ٹھاکر کے متنازعہ بیان پر بی جے پی کی جانب سے کی کئی مذمت کو انہوں نے ناکافی قرار دیا۔
اعظم خان نے کہا کہ اب یہ عوام کو طئے کرنا ہوگا کہ ہمارے ملک کی پہچان گاندھی جی یا گوڈسے ہے اور اسی طرح انسانیت یا خاکی نکر ہے۔
سماج وادی پارٹی کے رہنما نے پرگیہ ٹھاکر سے پارٹی معطل کرنے کا بی جے پی سے پرزور مطالبہ کیا ہے۔
واضح رہے کہ بی جے پی کی بھوپال لوک سبھا امیدوار اور مالیگاؤں بم دھماکہ کیس کی ملزمہ پرگیہ سنگھ ٹھاکر نے گاندھی جی کے قاتل ناتھورام گوڈسے کو محب وطن قرار دیا تھا جس پر اپوزیشن کی طرف سے شدید برہمی ظاہر کی گئی تھی جس کے بعد بی جے پی نے بھی پرگیہ کے ریمارکس کی مذمت کی۔ بعد میں پرگیہ نے کہا : ’’میرا ارادہ کسی کو دکھ پہنچانا نہیں تھا ، اگر کسی کو دکھ پہنچا ہے تو میں معذرت خواہ ہوں ‘‘
