ہلاک جوانوں کے بچوں کو مفت تعلیم

پلوامہ حملے کے دوران ہلاک شدہ فوج کے جوانوں کے بچوں کو مفت تعلیم دینے کے لیے توحید ایجوکیشنل ٹرسٹ کے مختلف اداروں میں داخلے جاری ہیں۔

توحید ایجوکیشنل ٹرسٹ کے رکن ڈاکٹر منصور عالم مدنی نے کہا کہ 'ٹرسٹ کے مختلف اداروں میں داخلے جاری ہیں۔ ان اداروں میں پلوامہ حملے میں ہلاک شدہ جوانوں کے اہل خانہ اگر چاہیں تو اپنے بچوں کا داخلہ کرا سکتے ہیں۔

جھارکھنڈ میں ماب لنچنگ میں مارے گئے تبریز انصاری کے بارے سوال کرنے پر انہوں نے کہا کہ 'اسلام حب الوطنی کی تعلیم دیتا ہے۔ ہر مسلمان اپنے ملک سے محبت کرتا ہے۔ کوئی جئے شری رام، وندے ماترم بولنے سے محب وطن نہیں ہوجاتا۔

واضح رہے کہ پلوامہ حملے کے بعد ٹرسٹ کے چیئرمین مطیع الرحمان عبدالمتین نے اس حملے میں ہلاک ہونے والے جوانوں کے بچوں کو اپنے ادارے میں مفت تعلیم مہیا کرانے کی خواہش ظاہر کی تھی۔