دریائے جہلم اور لدر میں طغیانی، آبی سطح میں اضافہ

وادی کشمیر میں مسلسل بارش کی وجہ سے ضلع اننت ناگ سے بہنے والے دریائے جہلم اور لدر سمیت تمام دیگر ندی نالوں کی آبی سطح میں نمایاں اضافہ ہوگیا ہے۔

اگرچہ پانی کی سطح ابھی خطرے کے نشان سے نیچے ہی ہے تاہم آبی سطح میں لگاتار اضافہ ہونے کی وجہ سے عوام میں تشویش ہے۔

ادھر انتظامیہ نے لوگوں سے دریائے لدر کے زیادہ نزدیک جانے سے گریز کرنے کی ہدایت جاری کی ہے جبکہ تمام مشینری اور عملے کو مستعد رہنے کی ہدایت بھی دی گئی ہے۔