شیعہ برادری کا سعودی حکومت کے خلاف احتجاج

مدھیہ پردیش کے صنعتی شہر اندور میں شیعہ اثنا عشری جماعت نے کمشنر کو میمورنڈم دے کر حکومت سے مطالبہ کیا وہ آل سعود کی ظالمانہ حرکتوں کے روکنے کے لیے بات چیت کرے۔

واضح رہے کہ آج ہی کے دن سعودی حکومت نے1925 میں جنت البقی میں واقع حضرت فاطمہ رضی اللہ تعالیٰ عنہ کی قبر سمیت متعدد صحابہ کرام اور تابعین کی قبروں کو منہدم کر دیا تھا۔

شیعہ جماعت نے بھارتی حکومت سے مطالبہ کیا ہے کہ اس نے کبھی بھی ظالموں کا ساتھ نہیں دیا اور بھارت امن پسند ملک رہا ہے اس لیے وہ حکومت سے مطالبہ کرتے ہیں کی وہ آل سعود کی ظالمانہ حرکتوں روکنے کے لیے اس بات چیت کرے۔

شانو پنجابی نے میمورنڈم پڑھ کر بین الاقوامی معاہدوں کا حوالہ دے کر حکومت سے مطالبہ کیا کہ شیعہ عوام پر ظلم و ستم بند ہو اور یہ میمورنڈم وزیراعلی تک پہنچا دیا جائے کہ وہ آل سعود حکومت کے ظلم و ستم کی مذمت کرتے ہیں۔

ای ٹی وی بھارت اردو سے مولانا سید کمال ابن رضوی نے کہا کہ وہ وزیراعلی تک اپنی بات پہنچانے کے لیے یہاں میمورنڈم دینے آئے ہیں، وہ حکومت سے مطالبہ کرتے آل سعود کی ظالمانہ حرکتوں کو روکنے کے لیے وہ دباؤ بنائے۔