پاکستان کے خلاف انگلینڈ ٹیم کا اعلان

انگلینڈ اینڈ ویلز کرکٹ بورڈ کی سلیکشن کمیٹی نے پاکستان کے خلاف منعقد ہونے والی گھریلو یک روزہ سیریز کیلئے 17 رکنی ٹیم کا اعلان کر دیا ہے۔

اوپننگ بلے باز ایلکس ہیلز کو منشیات استعمال کرنے پر ٹیم سے ڈراپ کر دیا گیا ہے اب ان کی جگہ جیمز ونس کو ٹیم میں طلب کر لیا گیا ہے۔ ونس کے پاس پاکستان کے خلاف سیریز میں نمایاں کارکردگی کا مظاہرہ کر کے ورلڈ کپ ٹیم میں جگہ بنانے کا سنہری موقع ہے۔

پاکستان کے خلاف انگلینڈ ٹیم کا اعلان

انگلینڈ اور پاکستان کے درمیان پانچ ایک روزہ بین الاقوامی میچوں پر مشتمل سیریز کا آغاز 8 مئی سے ہو گا۔

ایان مورگن (کپتان)، معین علی، جوفرا آرچر، جونی بیئرسٹو، جوس بٹلر، ٹام کیورن، جوئے ڈینلی، کرس جورڈن، لیام پلنکٹ، عادل راشد، جو روٹ، جیسن روئے، بین اسٹوکس، جیمز ونس، ڈیوڈ ویلے، کرس ووکس اور مارک ووڈ۔