ریاست مدھیہ پردیش میں ہائی کورٹ نے آج بھوپال گیس سانحہ کیس میں سزا یافتہ ملزمین کی درخواست پر سماعت مکمل کرنے کے بعد فیصلہ محفوظ رکھنے کا حکم دیاگیا۔
واضح رہے کہ ہائی کورٹ جج سبودھ ابھينكر کی یک رکنی بینچ نے یہ حکم دیا ہے۔
بھوپال گیس سانحہ کے معاملے میں سزا یافتہ ملزمان نے اپیل کی تھی کہ سماعت کے دوران سی بی آئی کی کیس ڈائری منگوائے جانے کی درخواست دائر کی تھی۔
خیال رہےکہ ڈسٹرکٹ کورٹ بھوپال نے اس درخواست کو مسترد کر دیا تھا، جس کے خلاف دو ملزمان نے ہائی کورٹ میں درخواست دائر کی تھی۔
واضح ر ہے کہ بھوپال گیس سانحہ کے معاملے میں ڈسٹرکٹ کورٹ بھوپال نے سات جون سنہ 2010 کو یونین کاربائیڈ کمپنی کے اس وقت کے چیئرمین کیشو مہیندر، منیجنگ ڈائیریکٹر وی پی گوکھلے، پروڈ كشن مینیجر ایس پی چودھری، ورک مینیجر جے مکند سمیت آٹھ لوگوں کو لاپرواہی کی وجہ سے حادثے کا مجرم ٹھہراتے ہوئے دو برس کی قید اور ایک لاکھ روپے کے جرمانے کی سزا سنائی تھی۔
یاد رہے کہ کیس کی سماعت کے دوران عدالت کو بتایا گیا تھا کہ گیس رساؤ کے اثر کی وجہ سے 35 سو افراد ہلاک ہوئے تھے، اور ابھی تک 15 ہزار افراد کی موت ہو چكي ہے۔