فانی طوفان: تقریباً 4 لاکھ افراد کو محفوظ مقامات پر پہنچایا گیا

كابینہ سکریٹری پی کے سنہا کی صدارت میں مسلسل چوتھے دن جمعرات کو نیشنل ڈیزاسٹر مینجمنٹ کمیٹی کی میٹنگ میں طوفان فاني کی وجہ سے پیدا صورتحال اور اس سے نمٹنے کے لئے کی جا رہی تیاریوں کا جائزہ لیا گیا۔

میٹنگ میں متعلقہ ریاستوں اور محکموں کے ساتھ ساتھ سبھی متعلقہ ایجنسیوں کے سینئر افسران موجود رہے۔ اس سے پہلے وزیر اعظم نریندر مودی نے بھی صورتحال کا جائزہ لیا اور مرکز کے حکام سے ریاستی حکومت سے مسلسل رابطہ برقرار رکھنے کی ہدایت دی۔

محکمہ موسمیات نے بتایا کہ فانی کے جمعہ کی صبح پوری کے جنوب میں اڈیشہ ساحل سے ٹکرانے کا خدشہ ہے۔ اس دوران 180 کلومیٹر فی گھنٹہ کی رفتار تک تیز ہوا چل سکتی ہے۔

محکمہ نے خبردار کیا ہے کہ طوفان کے ٹکرانے کے وقت گنجم، كھردا، پوری اور جگت سنگھ پورر اضلاع میں ڈیڑھ میٹر بلند لہریں اٹھ سکتی ہیں۔