ورلڈ کپ کا آغاز اور کولکاتا میں جنون

انگلینڈ میں کرکٹ ورلڈ کپ 2019 کے آغاز کے ساتھ کولکاتا کے کھیل کے دیوانوں میں جوش وخروش دیکھا جارہا ہے۔

کولکاتا میں کرکٹ کے تئیں جنون بہت زیادہ ہے اور اس کی جھلک جب بھی کوئی میچ کولکاتاکے ایڈن گارڈن میں ہوتا ہے تو دیوانگی دیکھنے کو ملتی ہے۔ آج سے کرکٹ ورلڈ کپ کا آغاز ہو چکا ہے۔

کرکٹ ورلڈ کپ 2019 جو کے انگلینڈ میں جاری ہے اور پہلا میچ انگلینڈ اور جنوبی افریقہ کے درمیان کھیلا جا رہا ہے اس سلسلے میں ای ٹی وی بھارت نے کولکاتا میں سابق کرکٹر شفیع احمد جو بنگال رنجی ٹیم کے لئے کھیل چکے ہیں اور فی الحال بی سی سی آئی اور کیب کے کیوریٹر ہیں ۔

شفیع احمد نے انگلینڈ میں جاری کرکٹ ورلڈ کپ پر تبصرہ کرتے ہوئے کہا کہ ورلڈ کپ میں اس بار کئی ٹیمیں مضبوط دعویدار ہیں جن میں انگلینڈ، بھارت، جنوبی افریقہ اور نیوزی لینڈ شامل ہیں۔

انہوں نے کہا کہ کرکٹ ورلڈ کپ چونکہ انگلینڈ میں ہو رہا ہے لہٰذا اس کا تھوڑا فائدہ انگلینڈ کو ملے گا ہی اس کے علاوہ انگلینڈ کی ٹیم بہت متوازن ہے اور کافی اچھا کھیل رہے ہیں۔

انہوں نے کہاکہ آئندہ 16 جون کو بھارت اور پاکستان کے درمیان کھیلے جانے والے میچ سے متعلق انہوں نے کہاکہ بھارت بہت ہی مضبوط اورمتوازن ٹیم ہے۔بھارت کے تمام بالنگ، بیٹنگ اور یلڈنگ تینوں شعبوں میں مضبوط ہے۔ہر ورلڈ کپ کی طرح اس مرتبہ ورلڈ کپ میں بھارت پاکستان کے خلاف فیورٹ ہے۔

انہوں نے کہاکہ پاکستان کے بارے میں واضح طور پر کچھ کہا نہیں جاسکتا ہے۔پاکستان کرکٹ ٹیم غیر متوقع نتائج کے لیے مشہور ہے۔