بھاٹ پاڑہ میں پھرکشیدگی

سی پی آ ئی ایم اور کانگریس کے رہنماوں کے امن جلوس کوروکنے پر پولیس اور سیاسی پارٹیوں کے حامیوں کے درمیان جھڑپ کے سبب بھاٹ پاڑہ میں ایک بار پھر کشیدگی کاماحول پیدا ہوگیا۔

کانگریس اور سی پی آ ئی ایم کے رہنماوں اور کارکنان نے بیرکپور پارلیمانی حلقے کے بھاٹ پاڑہ میں گزشتہ ڈھائی مہینوں سے جاری سیاسی پارٹیوں کے حامیوں کے درمیان تشددکاسلسلہ ختم ہونے کے بعد امن جلوس نکالے۔

امن جلوس میں شامل سی پی آ ئی ایم اور کانگریس کے حامیوں نے پولیس بریکیڈ توڑ کر آ گے بڑھنے کی کوشش کی۔بریکیڈ توڑنے کی کوشش کے دوران سیاسی پارٹیوں کے حامیوں اور پولیس کے درمیان ہاتھا پائی ہو گئی۔

پولیس اور عوام کے درمیان جھڑپ کے سبب علاقے میں افراتفری مچ گئی جس سے چند افرادمعمولی طور پر زخمی ہو گئے۔

پولیس کاکہنا ہے کہ جلوس کے دوران سیاسی پارٹیوں کے کارکنان پولیس بریکیڈ توڑ کر آ گے بڑھ رہے تھے۔انہیں جب روکنے کی کوشش کی توانہوں نے پولیس پر حملہ کردیا۔

بائیں محاذ کے چیئرمین بمان بوس کاکہنا کہ امن جلوس کے دوران پولیس نے کارکنان پر حملہ کردیا۔ پولیس کے حملے میں چند افراد زخمی ہو گئے ۔