ذرائع کے مطابق راہل گاندھی نے کہا کہ پارٹی کی صدارت کی ذمہ داری کسی اور کو دی جانی چاہیئے۔
لیکن اطلاعات کے مطابق جب پرینکا گاندھی کا نام سامنے آیا تو راہل گاندھی نے کہا میری بہن کو اس میں مت کھینچو۔
انہوں نے کہا کہ ہمیں اپنی لڑائی جاری رکھنی ہوگی۔ میں کانگریس کا مستعد سپاہی ہوں اور رہوں گا اور بلا خوف لڑتا رہوں گا،لیکن میں اب پارٹی صدر نہیں رہنا چاہتا۔
حالانکہ کمیٹی کے اراکین نے راہل کے استعفیٰ کو مسترد کر دیا۔ کانگریس کے ترجمان سرجیوالا نے کہا، 'ایسے مشکل حالات میں ہمیں راہل گاندھی کے قیادت کی سخت ضرورت ہے'۔
غور طلب ہے کہ اس میٹنگ میں یو پی اے کی چیئرپرسن سونیا گاندھی، سابق وزیر اعظم منموہن سنگھ، پرینکا گاندھی اور سی ڈبلیو سی کے دیگر اراکین شامل تھے۔
ذرائع کے مطابق متفقہ طور پر راہل گاندھی کے استعفی کو مسترد کیا گیا ہے۔ ان کے استعفے کی پیش کش سے کئی سینیئر رہنما بھی دم بخود تھے۔
