' ہار کے اسباب پر غور کریں گے'

جنوبی ممبئی سے شکست ملنے کے بعد کانگریس کے امیدوار ملند دیورا نے ای ٹی وی بھارت سے بات چیت کی۔

ان کی بات چیت میں شکست کا صدمہ صاف ظاہر ہو رہا تھا حالانکہ دیورا نے کہا کہ ' وہ ہمت نہیں ہارے ہیں اس پر تیاری کرینگے تاکہ آنے والے انتخاب میں مقابلہ کیا جا سکے۔'

جب ملند دیورا سے ہار کا سبب جاننے کی کوشش کی گئی تو انہوں نے کہا کہ ' ہمارے پاس اس وقت ووٹوں کے نتائج کے اعدادو شمار نہیں ہے، اسے دیکھ کر ہم آپ کو بتائیں گے۔ اس کے ساتھ ہی ہار کا کیا سبب ہے اس پر غور کریں گے۔

واضح رہے کہ عام انتخابات 2019 میں بی جے پی قیادت والے قومی جمہوری اتحاد نے شاندار جیت درج کی ہے اور ایک بار پھر ممبئی کے چھ پارلیمانی حلقوں پر شیو سینا اور بی جے پی نے کانگریس اور این سی پی کو زبردست شکست دی۔