قومی سلامتی پر کانگریس کی رپورٹ جاری

کانگریس نے قومی سلامتی پر اپنی رپورٹ جاری کی ہے۔ اسے کانگریس کے انتخابی منشور کے تحت بھی دیکھا جا رہا ہے۔ یہ رپورٹ لیفٹیننٹ جنرل ڈی ایس ہوڈا کے ذریعے دی گئی سفارشات پر مبنی ہے۔

کانگریس کے سینیئر رہنما اور سابق وزیر داخلہ پی چدمبرم اور جے رام رمیش کی موجودگی میں رپورٹ جاری کرتے ہوئے جنرل ہوڈا نے بتایا کہ ہم نے پانچ بنیادوں پر یہ رپورٹ تیار کی ہے۔ جس میں سب سے پہلے بین الاقوامی سطح پر بھارت کو آگے بڑھانا ہے اس کے علاوہ محفوظ پڑوسی ممالک کا ہدف طے کرنا ہے۔ داخلی تنازعات کے پر امن حل، عوام کی حفاظت اور سکیورٹی صلاحیت میں اضافہ کرنا شامل ہیں۔

جنرل ہوڈا نے رپورٹ کے حوالے سے کہا کہ پڑوسی ممالک جیسے چین اور پاکستان کے ساتھ رشتے کیسے ہونے چاہیے خاص طور پر پاکستان کے لیے ہمارا موقف کیا ہونا چاہیے ان تمام کے بارے میں رپورٹ میں تفصیلات پیش کی گئیں ہیں۔

انہوں نے مزید کہا کہ پاکستان کے ذریعے اگر عسکریت پسندی کو سہارا دیا جاتا رہا تو اس صورت میں بھارت کس طرح کی کارروائی کرے گا، اس رپورٹ اس پر بھی روشنی ڈالتی ہے۔