مدنی پور پارلیمانی حلقے سے بڑی جیت درج کرنے والے نومنتخب رکن پارلیمان دلیپ گھوش نے کہاکہ ممتا دیدی نے لوگوں کامزاج سمجھنے میں غلطی کردی۔ لوگوں نے انہیں سبق سکھانے کا من پہلے ہی بنا چکے تھے۔
لوگوں کے فیصلے سے یہ ثابت ہو چکا ہے کہ وہ ممتا بنرجی کی حکومت سے نجات چاہتے ہیں۔ بنگال میں تبدیلی کا آ غاز ہو چکاہے۔
ریاستی بی جے پی کے صدر دلیپ گھوش کاکہناہے کہ لوگوں کے جذبات کا خیال رکھنا چاہیے۔ ہمیں اس سے کوئی فرق نہیں پڑتا ہے کہ کون کیا کھتاہے اور کیانہیں ۔ہمیں ریاست میں جاری سنڈیکیٹ، غنڈہ راج اوربدعنوانی سے فرق پڑتا ہے۔
انہوں نے کہاکہ ہمیں بنگال کو سنڈیکیٹ،غنڈہ راج اوربدعنوانی سے پاک رکھنے کےلیے لوگوں نے منتخب کیا ،ہم ان کی امیدوں پر کھرا اترنے کی کوشش کریں گے۔
