آندھراپردیش کابینہ کا اجلاس

آندھراپردیش کابینہ کا پیر کے روز پہلا اجلاس منعقد ہوا۔یہ اجلاس چھے گھنٹے تک جاری رہا، جس میں مختلف موضوعات پر تفصیلی تبادلہ خیال کیا گیا، اور اسے کابینہ کی منظوری دی گئی۔

اس موقع پر وزیر اعلی جگن موہن ریڈی کی قیادت میں کابینہ نے مستحقین کا وظیفہ اور کسانوں کو دیے جانے والا رائتو بھروسہ اور آشا ورکرز کے معاوضہ کو بڑھا کر اس کی منظوری دے دی۔
سیکریٹریٹ میں منعقدہ اجلاس میں آٹھ اہم فیصلے لیے گئے۔

* جگن موہن ریڈی نے وزیر اعلی کا حلف لینے کے بعد پہلی دستخظ وظیفہ کو دو ہزار دو سو پچاس کرنے والی فائل پر دستخط کی تھی جس پر کابینہ کی مہر لگ گئی۔
* گری جن علاقوں کے کمیونٹی ہیلت ورکرس کے وظائف کو چار سو سےچار ہزار بڑھادیا۔
* اکتوبر کے مہینے سے 12500 روپیے رائتو بھروسہ معاوضہ۔
* آشا ورکرس کو فراہم کئے جانے والا وظیفہ دس ہزار روپیےتک بڑھا دیا گیا۔
* ملازمین کی تنخواہوں میں اضافہ کے لیے ڈی اے جاری کرنےکا فیصلہ۔
* بلدی ملازمین اور ہوم گارڈ کے معاوضہ کو بڑھانے کا لیا گیا فیصلہ ۔
* سی پی ایس کی منسوخی پر عمل کرنے کے لیے کمیٹی کا قیام۔
* آر ٹی سی کو حکومت میں ضم کرنے کے لیے کمیٹی کا قیام۔