کولگام میں دھماکہ، ایک ہلاک

ریاست جموں کشمیر کے جنوبی ضلع کولگام میں ایک پٖر اسرار دھماکے میں ایک شخص کے ہلاک اور تین لوگوں کے زخمی ہونے کی اطلاع ہے۔

مقامی ذرائع کے مطابق اشموجی علاقے میں عبدالرشید نامی ایک شخص کے آنگن میں پُر اسرار طور پر دھماکہ ہوگیا، جس میں نذیر احمد نامی شخص کی موت واقع ہوئی جبکہ فاروق احمد، یاور احمد اور عباس احمد نامی افراد زخمی ہو گئے۔

زخمیوں کو فوری طور ضلع اسپتال منتقل کیا گیا جہاں ایک زخمی کی حالت تشویشناک بتائی گئی ہے۔

دھماکے کی وجوہات کا فوری طور پر پتہ نہیں چل سکا ہے۔ اس حادثے کے بعد علاقے کو پولیس اور فوج نے محاصرے میں لے لیا ہے۔