نوئیڈا میں گوتم بدھ پولیس نے ریمڈیسیور انجیکشن کی بلیک مارکیٹنگ میں ملوث ایک ملزم کے خلاف نیشنل سیکیورٹی ایکٹ کے تحت کارروائی کی ہے جبکہ یہ ملک بھر میں پہلا معاملہ ہے جس میں ریمڈیسیور انجکس کی بلیک مارکیٹنگ کرنے والے ملزم کے خلاف این ایس اے کے تحت کارروائی کی گئی ہے۔
اطلاعات کے مطابق ملزم نے ضرورت مندوں کو زیادہ قیمت پر انجکشن فروخت کئے تھے جکہ وہ انجیکشن جعلی پائے گئے۔ 21 اپریل کو تھانہ سیکٹر 20 پولیس اور کرائم برانچ کی مشترکہ ٹیم نے نوئیڈا کے سیکٹر 168 میں رہنے والے رچت گھئی ولد اشون گھئی کو ریمڈیسیور کی بلیک مارکیٹنگ کرنے کے الزام میں گرفتار کیا تھا۔
پولیس نے ملزم کے خلاف سنگین دفعات کے تحت مقدمہ درج کرکے تحقیقات کا آغاز کیا تھا جس کے بعد یہ انکشاف ہوا کہ تفتیش کے دوران انکشاف ہوا کہ یہ انجکشن ضرورت مندوں کو کئی گنا زیادہ قیمت پر فروخت کئے گئے تھے۔ تھانہ سیکٹر 20 نے ملزم کے خلاف دفعہ 275 ، 276 ، 420 ، منشیات اور کاسمیٹکس ایکٹ 96 اور وبائی ایکٹ کے تحت مقدمہ درج کیا تھا۔
پولیس نے برآمد ہونے والے تمام انجکشن کو لیب میں جانچ کے لیے بھیجا تھا۔ جانچ کے پتہ چلا کہ 96 انجکشن میں سے 93 انجکشن نقلی ہیں۔ جعلی انجکشن کی قیمت تقریباً 15 لاکھ روپے بتائی جارہی ہے۔ گوتم بودھ نگر ڈسٹرکٹ مجسٹریٹ سہاس ایل وائی نے این ایس اے کے تحت ملزم کے خلاف کارروائی کو منظوری دے دی ہے۔
