بیرکپورپولیس کمشنر دفتر کا گھیراؤ

بھاٹ پاڑہ اورا س کے اطراف میں سیاسی پارٹیوں کے حامیوں کے درمیان جھڑپوں میں تین افراد کے ہلاک ہونے کے خلاف بی جے پی کے کارکنان نے بیرکپور پولیس کمشنرکے دفتر کا گھیراؤ کیا۔

شمالی 24 پر گنہ کے جگتدل تھانہ کے تحت بھاٹ پاڑہ اور اس کے اطراف گزشتہ پانچ دنوں سے جاری سیاسی پارٹیوں کے حامیوں کے درمیان جھڑپوں اور عام لوگوں کو پریشان کیے جانے کے واقعے کے خلاف بی جے پی کے کارکنان نے پولیس کمشنر کے دفتر کا گھیراؤ کیا۔

بی جے پی کے حامیوں کاکہنا ہے کہ بیرکپور میں حالات کشیدہ ہونے کی وجہ سے بڑی وجہ پولیس انتظامیہ کی عدم توجہی ہے۔ پولیس نے لاپرواہی کا مظاہرہ کیا ۔

انہوں نے کہاکہ یکے بعد دیگر بی جے پی کے حامیوں کوموت کے گھاٹ اتار دیا جارہا ہے اور پولیس تماشائی بنی ہوئی ہے۔پولیس حالات کو قابو میں کرنے کے بجائے بریکیڈ لگاکر بیٹھی رہتی ہے۔

مظاہرے میں شامل خواتین نے کہاکہ پولیس جانبداری کا مظاہرہ کر رہی ہے۔بھاپہ ماری کے نام پر عام لوگوں کو گرفتار کر رہی ہے۔ اسے حالات بہتر ہونے کے بجائے اور خراب ہو رہے ہیں۔