'جموں و کشمیر کا اگلا وزیراعلی بی جے پی کا بارہمولہ سے ہوگا'

ریاست جموں و کشمیر کے ضلع بارہمولہ کے سوپور قصبے کے پنزی پورہ گاؤں میں بی جے پی کے سینیئر رہنما محمد مقبول وار نے بی جے پی کارکنان اور عام لوگوں سے ملاقات کی۔

ای ٹی وی بھارت سے بات کرتے ہوئے محمد مقبول وار نے کہا کہ' آج کا یہ دورہ ضروری تھا کیونکہ ملک کے ہر حصے میں جشن منایا جا رہا ہے اور اسی سلسلے میں ہم اپنے کارکنان کے ساتھ آج جشن منا رہے ہیں۔'

انہوں نے کہا کہ' آج تک جموں و کشمیر میں جو بھی حکومت بنی انہوں نے عوام کے ساتھ دھوکہ کیا لیکن اب ریاست میں بی جے پی کی حکومت آئی گی اور ہمارا وزیر اعلی ضلع بارہمولہ سے ہوگا۔'

انہوں نے کہا کہ 'ہم اپنے قوم سے دھوکہ نہیں کریں گے، بی جے پی کی حکومت آئے گی تو بےروزگاری پوری طرح سے ختم ہو جائے گی۔

انہوں نے مزید کہا' جب تک جموں و کشمیر اسمبلی کی 87 سیٹوں کو 124 سیٹیں نہ بنائیں گے تب تک جموں و کشمیر میں اسمبلی انتخابات نہیں ہونگے اور ہم حکومت اپنے دم پر بنائیں گے۔'