آکاش ورگیہ ضمانت پر رہا

بی جے پی کے جنرل سکریٹری کیلاش وجے ورگیہ کے بیٹے اور رکن اسمبلی آکاش وجے ورگیہ پر مدھیہ پردیش کے صنعتی شہر اندور میں ایک میونسپل ملازم کو کرکٹ کے بلے سے مارنے کے الزام میں گرفتار کرکے جیل بھیج دیا گیا تھا۔

چار دنوں بعد جیل سے رہائی ملنے پر آکاش نے خوشی کا اظاہر کرتے ہوئے کہا کہ' جیل کے اندر اچھا وقت گزرا ' اور پھر اس کے بعد اپنے گھر کے لیےروانہ ہوگئے۔

گزشتہ روز بھوپال کی خصوصی عدالت نے آکاش کی ضمانت درخواست منظور کی تھی، جیل سے باہر آنے کے بعد انھوں نے کہا کہ' وہ چاہتے ہیں کہ سبھی غریبوں کی مدد ہو اور سبھی خوشحال رہیں اس کے لیے وہ ہمیشہ آگے رہیں گے۔

آکاش کی رہائی کے بعد ان کے حامیوں نے پورے اندور میں ایک بڑی بائک ریلی نکالنے کا اعلان کیا ہے۔

واضح رہے کہ گزشتہ بدھ کو ایک میونسپل ملازم سے مارپیٹ کرنے کے الزام میں آکاش وجے ورگیہ کو پولیس نے گرفتار کرکے کورٹ میں پیش کیا تھا جس کے بعد انھیں عدالتی تحویل میں بھیجا گیا تھا، آج چار دن کے بعد انھیں رہائی ملی ہے۔

آکاش وجے ورگیہ اندور-3 سے بی جے پی کے رکن اسمبلی ہیں۔