اپوزیشن کا کردارادا کرنے کے لیے تیار: دانش علی

سابق وزیراعظم ایچ ڈی گوڑا کے معتمد خاص کنوردانش علی نے بی ایس پی کے ٹکٹ پر اترپردیش کے امروہہ پارلیمانی حلقے کامیابی حاصل کی ہے۔ انہوں نے ای ٹی وی بھارت سے بات چیت کے دوران کہا کہ پارلیمینٹ میں بہترین اپوزیشن کا کردار ادا کرنے کے لیے وہ تیار ہیں۔

لوک سبھا انتخابات میں جیت درج کرنے کے بعد ای ٹی وی بھارت کو پہلا انٹرویو دیتے ہوئے کہا کہ انہیں سبھی طبقات کے لوگوں نے ووٹ دیا ہے ایسے میں میری ذمہ داری زیادہ برھ گئی ہے۔

پارلیمنٹ میں بی ایس پی کے چیف وہپ کی ذمہ داری دئے جانے کے بعد دانش علی نے کہا:'وہ ایک بہتر اپوزیشن کا کردار بھی نبھائیں گے۔'

دانش علی نے ایک سوال کے جواب میں کہا: 'وہ دانش علی ہیں، لیکن کسی ایک خاص طبقے کے دانش نہیں بلکہ سب کے لیے ہیں اور جب بھی کسی بھارتی پر ظلم ہوگا وہ اس کے لیے آواز اٹھائیں گے۔'