وینزویلا میں امریکی طیارے کم بلندی پر پرواز نہیں کریں گے

امریکہ کی وفاقی ہوائی بازی انتظامیہ نے بڑھتے ہوئے سیاسی عدم استحکام اور کشیدگی کے سبب اپنے ہوائی جہاز آپریٹروں کو وینزویلا کی فضائی حدود میں 26 ہزار فٹ سے نیچے پرواز کرنے سے منع کردیا ہے۔

ایف اے اے نے منگل کی شام نوٹس جاری کرکے پرائیویٹ سمیت اپنے سبھی طیارہ آپریٹروں کو ونیزویلامیں موجود طیاروں کے ساتھ 48 گھنٹے کے اندر واپس بلانے کے لئے کہا۔
ونیزویلا کے اپوزیشن لیڈر جوآن گوئدو نے منگل کے روز فوج سے صدر نکولس مادرو کو ہٹانے میں مدد کی اپیل کی تھی۔ فوج سے گوئدو کی یہ اب تک کی سب سے بڑی اپیل تھی لیکن فوجی قیادت کی جانب سے اس سلسلے میں کسی طرح کے پختہ اشارے نہیں ملے۔
امریکہ نے اس سال مارچ میں کہا تھا کہ بڑھے ہوئے سیاسی بحران کے پیش نظر وہ غیر معینہ مدت کے لئے ونیزویلا میں اپنی پروازیں ملتوی کرے گا۔