اکبرالدین اویسی علاج کے لیے لندن منتقل

ریاست تلنگانہ میں مجلس اتحاد المسلمین کے رہنما اکبرالدین اویسی کی اچانک طبیعت خراب ہونے کے باعث انہیں علاج کے لیے لندن منتقل کیا گیا۔

اکبر الدین اویسی کے بڑے بھائی اور رکن پارلیمان اسد الدین اویسی نے آج عید ملاپ پروگرام کے دوران کہا کہ اکبر الدین کی طبیعت ناساز ہے اور انہیں علاج کے لیے لندن منتقل کیا گیا۔انہوں نے اپنے چھوٹے بھائی کی جلد صحت یابی کے لیے عوام سے دعا کرنے کی اپیل کی۔

خیال رہے کہ اکبر الدین کے حلقہ اسمبلی چندرائن گٹہ میں ان پر قاتلانہ حملہ کیا گیا تھا جس میں ان کے پیٹ پر چاقوؤں سے وار کیے گئے تھے۔ جس کے بعد انہیں وقتا فوقتا پیٹ میں شدید درد کا عارضہ لاحق ہوگیا۔