کولکاتہ میں پھر ایک خاتون سےمبینہ بد سلوکی

ریاست مغربی بنگال کے دارالحکومت کولکتہ میں دو روز قبل ایک ماڈل و اداکارہ کو مبنیہ طور پر ہراساں کرنے کا معاملہ سامنے آیا تھا، جس کے سبب تقریبا 7 افراد کو گرفتار کیا گیا تھا۔

کولکتہ میں ایک شخص نے گاڑی چلاتے ہوئے 23 سالہ خاتون کا پیچھا کیا، ناشائستہ الفاط کا استعمال کرکے ان کی گاڑی روکنے کی کوشش کی۔

اسسٹنٹ سب انسپکٹر بپلب کمار داس نے کہا کہ گزشتہ دیر رات وہ اور ان کے ساتھی اپنی ڈیوٹی انجام دے رہے تھے جب ایک گاڑی اچانک ان کے پاس آکر رک گئی۔ایپ بیسڈ کار میں سوار خاتون نے کہا کہ ایک شخص نے بردوان روڈ پر ان کی گاڑی کو روکنے کی کوشش کی۔

انہوں نے کہا کچھ دیر بعد وہ گاڑی اسی علاقے سے گزری لیکن ہمیں دیکھ کر ڈرایئور تیز رفتار میں گاڑی چلاکر بھاگ گیا۔

تاہم پولیس نے اس معاملے میں کیس درج کرکے ملزم کو گرفتار کر لیا ہے۔