ادویات کی چوری، سرکاری ملازم گرفتار

ضلع بانڈی پورہ میں سرکاری ہسپتالوں کے ادویات کی چوری پر ایک ملازم کو گرفتار کیا گیا۔

اشٹینگو گاؤں کے مقامی باشندوں نے محکمہ صحت کے ملازم کو ہسپتال کے ادویات کے ساتھ گرفتار کیا ہے۔

غلام رسول نامی یہ ملازم اشٹینگو پرائمری ہیلتھ سینٹر میں ملازم ہے۔

یہ واقعہ اس وقت پیش آیا، جب وہ اپنے آفس سے چھٹی لے کر گھر جارہا تھا۔

اطلاع موصول ہونے کے بعد مقامی لوگوں نے اس کے بیگ کی تلاشی کرکے اس میں سے ایسی کئی قسم کی ادویات پائی گئیں جو ہسپتالوں کے لیے مخصوص ہوتی ہیں۔

مقامی لوگوں کا کہنا ہے کہ اس ملازم کے خلاف بہت عرصے سے اس قسم کی اطلاعات موصول ہورہی تھیں کہ یہ ملازم ہسپتال کی ادویات چراکر انہیں بیچتا ہے۔