افغانستان میں فائرنگ کے دوران 9 افراد ہلاک

افغانستان کے شمالی صوبہ تخار میں دو مسلح گروپوں کے مابین فائرنگ میں نو افراد ہلاک اور سات دیگر زخمی ہو گئے۔

صوبائی حکومت کے ترجمان جواد ہجری نے اتوار کو بتایا کہ ہفتہ کی رات تالقان شہر کے شمال مشرقی علاقے میں واقع روستاق ضلع میں دو مسلح گروپوں کے ارکان کے درمیان شروع ہوئی بحث نے غصے کی شکل اختیار کر لی اور دونوں جانب سے فائرنگ شروع ہو گئی۔

پولیس نے بعد میں نو لاشیں برآمد کیں۔ شبہ ظاہر کیا جا رہا ہے کہ یہ دہشت گرد گروپ کے رکن ہیں۔ پولیس نے واقعہ کی جانچ شروع کر دی ہے۔

مقامی افسران واقعہ کے لیے مسلح گروپوں کو ذمہ دار ٹھہرا رہے ہیں۔ ان کا خیال ہے کہ کمزور قانون کے ساتھ غیر ذمہ دار مسلح لوگوں کی جانب سے اسلحے لے کر چلنے کی وجہ سے اس قسم کے واقعات ہوتے رہتے ہیں۔