کٹھوعہ: 275 کلو منشیات ضبط

جموں و کشمیر کے ضلع کٹھوعہ کی راج باغ پولیس نے چیکنگ کے دوران 275 کلو چرس گانجا اور تین لاکھ روپے نقد برآمد کیے۔

پولیس نے دو منشیات فروش کی کار کی جب تلاشی لی تو اس سے 55 کلو گانجا برآمد ہوا۔ منشیات فروش کی شناخت محمد طارق اور موکم کے نام کے طور پر ہوئی ہے۔

پولیس کو اطلاع موصول ہوئی کہ راج باغ کے ہردو مٹھی گاؤں میں سومت اور مکیش اپنے گھر پر منشیات فروخت کرتے ہیں پولیس نے فورا کاروائی کرتے ہوئے ان کے گھر چھاپہ مار کر 220 کلو گانجا اور تین لاکھ روپے نقد برآمد کیے ۔