پرتگال:بس حادثہ میں 28 افراد ہلاک، متعدد زخمی

پرتگال میں سیاحوں کی بس کو حادثہ پیش آیا،جس میں تقریباً 28 افراد ہلاک جبکہ متعدد زخمی ہیں۔

خبر ایجنسی کے مطابق ہلاک افراد میں 11 مرد جبکہ 17 خواتین شامل ہیں۔
راحت رسانی ٹیم کے ذرائع کے مطابق زخمیوں کو طبی امداد کے لیے اسپتال منتقل کردیا گیا ہے جبکہ ہلاک افراد کی لاشوں کو بھی اسپتال منتقل کیا جارہا ہے۔
عینی شاہدین کے مطابق پرتگالی جزیرے میں بس موڑ کاٹتے ہوئے گھر پر جاگری۔ حادثہ کا سبب بس ڈرائیور کا اسٹیئرنگ پر کنٹرول ہاتھوں سے نکل جانا بتایا جارہاہے۔
خبر رساں ایجنسی کے مطابق بس میں مختلف ملکوں سے آئے سیاح سوار تھے۔