شوپیان میں دو عسکریت پسند ہلاک

ریاست جموں و کشمیر کے ضلع شوپیان میں اتوار اور پیر کی درمیانی شب میں عسکریت پسندوں اور سکیورٹی فورسز کے درمیان تصادم میں ایک عسکریت پسند اور ایک انڈر گراؤنڈ ورکر ہلاک ہوگیا۔

فوج کے مطابق ضلع شوپیان کے مولو چتراگام علاقے سے آرمی پارٹی جارہی تھی جس پر گاڑی میں سوار عسکریت پسندوں نے فائرنگ کی۔

سکیورٹی فورسز نے جوابی کارروائی کرتے ہوئے عسکریت پسندوں پر فائرنگ کی جس کے نتیجے میں گاڑی کا ڈرائیو اور عسکریت پسند ہلاک ہوگیا۔

پولیس کے مطابق ہلاک شدہ ڈرائیور عسکریت پسندوں کے لیے انڈر گراؤنڈ ورکر کے طور پر کام کر رہا تھا ۔

ہلاک شدہ عسکریت پسندوں کی شناخت کرلی گئی ہے۔ ان میں سے ایک پنیوہ کولگام کا فردوس احمد بٹ ہے جبکہ دوسرا ریڈونی کھڈونی کا سجاد احمد بتایا جارہا ہے۔

کولگام میں انٹرنیٹ سروس معطل کردیا گیا ہے۔ کولگام ڈگری کالج میں بھی کلاس ورک کو معطل کردیا گیا ہے۔

مزید تفصیلات کا انتظار ہے۔