ریاست کرناٹک میں بڑھتے ہوئے کورونا متاثرین کی تعداد کو دیکھتے ہوئے ریاستی حکومت نے کرناٹک میں 27 اپریل رات نو بجےسے14 دن کے لئے لاک ڈاون کا اعلان کیا ہے ۔اگلے 2 ہفتوں تک کرناٹک مکمل بند رہے گا۔
کرناٹک میں آج رات سے 14 دن کا لاک ڈاون - کرناٹک کی خبریں
کرناٹک میں آج رات سے 14 دن کا لاک ڈاون
وزیر اعلی بی ایس یڈی یورپا کی زیر صدارت کرناٹک کابینہ کا اجلاس منعقد ہوا۔اجلاس میں کرناٹک میں پیدا ہوئی کووڈ 19 کی سنگین صورت حال کا جائزہ لیا گیا۔ماہرین سے تبادلہ خیال کے بعد کرناٹک میں دو ہفتوں کے لئے مکمل لاک ڈاون لاگو کر نے کا فیصلہ کیا گیا۔اور اس دوران ریاستی حکومت نے لاک ڈاون کے دوران صرف ضروری اشیا کی دکانیں چار گھنٹوں کے لئے کھلی رکھنے کی اجازت دی ہے ۔جس میں سبزی پھل کرانہ کی دوکانیں صبح 6بجے سے 10 بجے تک کھلی رہیں گی۔
گارمیٹس کار خانے ،مینو فیکچرنگ ادارے ، تعمیراتی کام، ڈپولپمنٹ ورکس، زرعی سرگرمیوں پر پابندی نہیں رہے گی، لیکن سرکاری اور نجی بس سروس بند رہے گی ۔میڈیکل اسٹورس اور اسپتال ، پٹرول پمپس کھلے رہیں گئے۔