دو نوجوانوں نے عسکریت پسندی کا راستہ ترک کیا

ریاست جموں و کشمیر کے ضلع پلوامہ میں اہل خانہ اور مقامی برادری کی مدد سے دو نوجوان عسکریت پسندی کا راستہ ترک کر کے گھر واپس لوٹ آئے ہیں۔

یہ اطلاع کشمیر پولیس نے اپنے ٹوئٹر صحفے ' کشمیر زون پولیس' پر دی ہے۔

انہوں نے لکھا ہے کہ ' پلوامہ میں اہل خانہ اور مقامی برادری کی مدد سے دو نوجوانوں عسکریت پسندی کا راستہ ترک کر دیا ہے اور وہ گھر واپس لوٹ آئے ہیں۔ ان کے نام اور شناخت کو خفیہ رکھا جائے گا۔'

واضح رہے کہ وادی کشمیر میں ہر روز نوجوان لاپتہ ہوجاتے ہیں اور بعد میں وہ شدت پسند تنظیموں میں شمولیت اختیار کرتے ہیں۔ اس نئی شدت پسندی میں ایک بڑی تعداد ایسے نوجوانوں کی ہے جو تعلیم یافتہ ہیں اور جو یہیں کے مقامی رہائشی ہیں۔