افغانستان سے بھارت پہنچنے والی شیرخوار لڑکی کا پرجوش بوسوں سے استقبال، ویڈیو وائرل

بھارتی فضائیہ کا ٹرانسپورٹ ایئر کرافٹ 168 مسافرین کے ساتھ اتوار کی صبح دہلی پہنچ گیا۔ مسافرین میں 107 بھارتی شہری شامل ہیں۔

آج صبح بھارتی فضائیہ کا سی۔17 ایئر کرافٹ طیارہ 107 بھارتیوں کے بشمول 168 مسافرین کو لیکر کابل سے غازی آباد پہنچا۔ مسافرین میں ایک بغیر پاسپورٹ کی شیرخوار لڑکی بھی شامل ہے۔ جیسے ہی طیارہ غازی آباد کے ہنڈن ایئربیس پہنچا تو ایک کمسن لڑکی نے فرط مسرت سے شیرخوار لڑکی کو بوسہ لےکر اس کا استقبال کیا۔

اس واقعے کا ویڈیو انٹرنیٹ پر وائرل ہوگیا۔ افغانستان سے بھارت پہنچے 168 مسافرین کا ایئربیس پر کووڈ۔19 آر ٹی پی سی آر ٹسٹ کیا گیا تھا۔

واضح رہے کہ 17 اگست کو 120 بھارتیوں کو پہلی فلائیٹ کے ذریعہ کابل سے بھارت لایا گیا تھا۔ بھارتی حکومت کی جانب سے افغانستان میں پھنسے تمام بھارتیوں کو ملک واپس لانے کے اقدامات کئے جارہے ہیں جب کہ بھارت کو کابل سے روزانہ 2 پروازیں چلانے کی اجازت دی گئی ہے۔