انڈے و نان ویج پر پابندی کے نام پر سماج کو پولرائز کرنے کا کام کیا جا رہا ہے: واصف حسین شیخ

واصف حسین شیخ نے کہا کہ انڈے یا نان ویج پر پابندی لگانے سے اچھا ہے کہ ریاست میں اسٹریٹ وینڈر پالیسی پر عمل کیا جائے اور جو لاری یا ٹھیلے والے ہیں ان کی ترقی کے لئے بہتر لائحہ عمل تیار کیا جائے۔ الیکشن سے قبل سماج کو پولرائز کرنے کا یہ ایک ایجنڈا ہے ایسے حالات میں سماج کو چاہیے کہ وہ سمجھ بوجھ کا مظاہرہ کرے۔

ریاست گجرات کے چار شہروں میں عوامی مقامات پر انڈے اور نان ویج کے ٹھیلوں پر پابندی عائد کردی گئی ہے، ساتھ ہی احمدآباد، گاندھی نگر سمیت پوری ریاست میں اس پر پابندی لگانے کی تیاریاں چل رہی ہیں. جس کو لیکر ایک نیا تنازعہ شروع ہو گیا ہے۔

اس معاملے پر آل انڈیا مجلس مشاورت گجرات کے جنرل سیکریٹری واصف حسین شیخ نے کہا کہ اس طرح کے مسائل اس لئے اٹھائے جا رہے ہیں تاکہ لوگوں کی توجہ اصل ایشو سے ہٹادی جائے اور اصل مسئلہ یہ ہے کہ حکومت اور میونسپل کارپوریشن کو چاہیے کہ جو حکومت نےاسٹریٹ وینڈر پالیسی پاس کی ہے وہ اسے ایمانداری کے ساتھ نافذ کرے کیونکہ بھارت کا آئین ہر انسان کو جینے کا حق دیتا ہے۔ حکومت کو چاہیے کہ جو بھی وینڈرس، لاری یا ٹھیلہ لگاتے ہیں ان کے حق میں بہتر فیصلہ کرنا چاہیے۔

انہوں نے مزید کہا کہ انڈے یا نان ویج پر پابندی لگانے سے اچھا ہے کہ ریاست میں اسٹریٹ وینڈر پالیسی پر عمل کیا جائے اور جو لاری یا ٹھیلے والے ہیں ان کی ترقی کے لئے بہتر لائحہ عمل تیار کیا جائے۔ الیکشن سے قبل سماج کو پولرائز کرنے کا یہ ایک ایجنڈا ہے ایسے حالات میں سماج کو چاہیے کہ وہ سمجھ بوجھ کا مظاہرہ کرے۔