Women Protest Against Up Deputy CM : نائب وزیراعلیٰ کیشو پرساد موریہ کے خلاف خواتین کا پرزور احتجاج، ویڈیو وائرل

یوپی کے نائب وزیر اعلیٰ کیشو پرساد موریہ Up Deputy CM Keshav Prasad Maurya سیراتھو اسمبلی سیٹ سے امیدوار بنائے جانے کے بعد ہفتہ کو پہلی بار کوشامبی پہنچے۔ جہاں وہ 2 دن پہلے لاپتہ ضلع پنچایت ممبر کے شوہر راجیو موریہ کے اہل خانہ سے ملاقات کرنے پہنچے تھے، اسی دوران وہاں پرموجود خواتین نے کیشو پرساد موریہ کے خلاف جم کر مخالفت اورنعرے بازیWomens Protest Against Keshav Prasad Maurya کی۔

یوپی کے نائب وزیر اعلیٰ کیشو پرساد موریہ کے خلاف خواتین نے زورد ار احتجاج کیا Womens Protest Against Keshav Prasad Mauryaجس کا ویڈیو سوشل میڈیا پر تیزی سے وائرل ہو رہا ہے۔ سماج وادی پارٹی نے اس وائرل ویڈیو پر ٹویٹ کرکے نائب وزیر اعلیٰ کو تنقید کا نشانہ بنایا۔

سماج وادی پارٹی نے اپنے آفیشل ٹویٹر ہینڈل سے وائرل ویڈیو کو ٹویٹ کرکے نائب وزیر اعلیٰ کیشو پرساد موریہ پر تنقید کی۔ ایس پی نے 'یوپی میں ای با' کے ان کے ٹویٹ ٹیگ کر کے جوابی حملہ کیا اور لکھا، دیکھیے کیشو پرساد موریہ جی! سراتھو میں غنڈے بدمعاش دوڑائے جارہے ہیں، عوام احتجاج کر رہی ہے۔ عوام گریا رہی۔ اگر سکیورٹی نہ ہو تو عوام کٹائی بھی کر دیتی۔'

سماج وادی پارٹی کا ٹویٹ

اطلاعات کے مطابق وائرل ویڈیو سیراتھو اسمبلی کا بتایا جا رہا ہے۔ ہفتہ کو نائب وزیر اعلیٰ کیشو پرساد موریہ غلامی پور گاؤں میں تین دن سے لاپتہ راجیو موریہ کے گھر پہنچے تھے۔ان کے فیملی ممبر سے ملاقات کے بعد واپس لوٹ رہے کیشو دیکھ کر مقامی خواتین نے زوردار نرعے بازی کی۔ ویڈیو میں صاف طور پر دیکھا جا سکتا ہے کہ کیشو پرساد موریہ کے وہاں پہنچتے ہی خواتین کی جانب سے زوردار مخالفت کی جا رہی ہے۔

ضلع پنچایت رکن پونم موریہ نے میڈیا سے بات کرتے ہوئے کہا کہ انہیں نائب وزیر اعلیٰ کیشو پرساد موریہ پر پورا بھروسہ ہے کہ وہ جلد از جلد ان کے شوہر کو تلاش کریں گے اور اس معاملے میں جن لوگوں کا ہاتھ ہے ان کے خلاف سخت ترین کارروائی کریں گے۔

واضح رہے کہ بی جے پی نے کیشو پرساد موریہ کو کوشامبی ضلع کی سیراتھو اسمبلی سیٹ سے اپنا امیدوار قرار دیا ہے۔ وہیں اس طرح کے احتجاج منظر عام پر آنے کے بعد بی جے پی رہنماؤں کی پریشانی بڑھا دی ہے۔ حزب اختلاف بھی اس موقع سے بھرپور فائدہ اٹھاتی نظر آرہی ہے۔