بارہ بنکی: چوروں نے خاتون کو پیٹ پیٹ کر ہلاک کر دیا

معاملہ دیوی کوتوالی حلقے کے مجیب پور شیخ پور گاؤں کا ہے۔ یہاں کی چندراوتی نامی ایک خاتون کے گھر پر گزشتہ رات چوروں نے حملہ کردیا۔ گھر میں موجود چندراوتی اور اس کے دو بیٹوں اور بہو نے جب شور مچانے کی کوشش کی تو چوروں نے ڈنڈوں سے چاروں کو خوب پیٹا۔

ریاست اترپردیش کے بارہ بنکی کے دیوی کوتوالی حلقے میں گزشتہ رات چوروں نے چوری کے دوران ایک خاتون کو ڈنڈے سے پیٹ پیٹ کر قتل کر دیا۔ چوروں کے اس حملے میں ہلاک ہوئی خاتون کے دو بیٹے شدید زخمی ہو گئے ہیں۔ دونوں کا علاج ضلع ہسپتال میں جاری ہے۔ پولیس نے اس معاملے میں مقدمہ درج کر معاملے کی تحقیقات شروع کر دی ہے۔

معاملہ دیوی کوتوالی حلقے کے مجیب پور شیخ پور گاؤں کا ہے۔ یہاں کی چندراوتی نامی ایک خاتون کے گھر پر گزشتہ رات چوروں نے حملہ کردیا۔ گھر میں موجود چندراوتی، اس کے دو بیٹوں اور بہو نے جب شور مچانے کی کوشش کی تو چوروں نے ڈنڈوں سے چاروں کو خوب پیٹا۔

چوروں کی اس پٹائی میں چندراوتی کی موقع پر ہی موت ہو گئی جبکہ اس کے دونوں بیٹے شدید طور پر زخمی ہو گئے۔ اس کے بعد چور لوٹ پاٹ کر کے فرار ہو گئے۔ اطلاع پر پہونچی پولیس نے دونوں کو ضلع ہسپتال میں منتقل کرایا. جن کا علاج ابھی جاری ہے۔

وہیں اس معاملے میں پولیس نے متعلقہ دفعات میں مقدمہ درج کر کے تفتیش شروع کر دی ہے۔ پولیس کے اعلی افسران نے موقع واردات کا دورہ کرکے تمام صورتحال کا جائزہ لیا ہے۔