Mob Lynching: موہن بھاگوت کا ماب لنچنگ کے خلاف تبصرہ

آر ایس ایس کے صدر موہن بھاگوت نے کہا 'اگر کوئی ہندو یہ کہتا ہے کہ یہاں کوئی مسلمان نہیں رہنا چاہیے، تو وہ شخص ہندو نہیں ہے۔'

ماب لنچنگ پر آر ایس ایس سربراہ موہن بھاگوت کا بڑا بیان سامنے آیا ہے۔ آر ایس ایس کے صدر موہن بھاگوت نے کہا 'اگر کوئی ہندو یہ کہتا ہے کہ یہاں کوئی مسلمان نہیں رہنا چاہیے، تو وہ شخص ہندو نہیں ہے۔'

بھاگوت نے کہا کہ گائے ایک مقدس جانور ہے، اس کا احترام کرنا چاہیے، لیکن جو لوگ دوسروں کی ماب لنچنگ کررہے ہیں وہ ہندوتوا کے خلاف ہیں۔ آر ایس ایس سربراہ نے مزید کہا کہ قانون کو بغیر کسی جانبداری کے ایسے لوگوں کے خلاف کارروائی کرنی چاہیے۔

آر ایس ایس کے سربراہ موہن بھاگوت نے غازی آباد میں خواجہ افتخار احمد کی لکھی ہوئی ایک کتاب' دی میٹنگ آف مائنڈز: اے بریڈجنگ اینیشی ایٹیو' کی رونمائی کے موقع پر شاعری بھی سنائی۔

واضح رہے کہ ماب لنچنگ کرتے ہوئے کئی معصوم افراد کو سخت گیر عناصر نے نشانہ بنایا۔ جس میں اب تک کئی افراد ہلاک ہوچکے ہیں۔