ٹول پلازہ پر10سیکنڈ سے زیادہ نہیں رکیں گی گاڑیاں

این ایچ اے آئی نے کہا کہ ٹول پلازہ پر گاڑیوں کی قطار 100 میٹر سے زیادہ نہیں ہونی چاہئے اور اگر ایسا ہوتا ہے تو گاڑیوں کو بغیر ادائیگی کے آگے بڑھنے کی اجازت ہوگی۔

حکومت نے قومی شاہراہوں پر ٹریفک کو سہل بنانے اور ٹول پلازوں پر ٹریفک جام کے مسئلے سے نمٹنے کے لئے نئےرہنماخطوط جاری کئے ہیں جس کے تحت اس بات کو یقینی بنایا جائے گا کہ گاڑیاں دس سیکنڈ سے زیادہ ٹول پلازہ پر نہیں رکیں گی۔

نیشنل ہائی ویز اتھارٹی آف انڈیا (این ایچ اے آئی) نے اس سلسلے میں جو رہنما خطوط جاری کئے ہیں ، اس میں یہ یقینی بنانے کے لئے کہا گیا ہے کہ گاڑی 10 سیکنڈ سے زیادہ ادائیگی کے لئے ٹول پلازہ پر نہیں رکے گی اور یہ سہولت مصروف اوقات میں بھی یکساں رہے گی۔

این ایچ اے آئی نے کہا کہ ٹول پلازہ پر گاڑیوں کی قطار 100 میٹر سے زیادہ نہیں ہونی چاہئے اور اگر ایسا ہوتا ہے تو گاڑیوں کو بغیر ادائیگی کے آگے بڑھنے کی اجازت ہوگی۔

واضح رہے کہ این ایچ آئی نے فروری میں ٹول پلازہ پر بھی تمام گاڑیوں کے لئے فاسٹ ٹیگ سہولت کو لازمی قرار دے دیا تھا۔ اس کی وجہ سے قومی شاہراہوں پر گاڑیوں کی نقل و حرکت بلاتعطل جاری ہے ، لیکن بہت سارے ٹول پلازے پر اس کے باوجودابھی جام لگتا ہے جس سے نمٹنے کے لئے نئے رہنما خطوط جاری کئے گئے ہیں۔