اتر پردیش میں ایم ایل سی انتخابات کے لیے ووٹنگ جاری

11 ایم ایل سی علاقوں میں ہونے والے انتخابات میں 199 امیدوار میدان میں ہیں۔ اب ان کی قسمت کا فیصلہ ووٹوں کی گنتی کے بعد آج ہو جائے گا۔

اترپردیش قانون ساز کونسل کی گریجویٹ اور اساتذہ کوٹے کی 11 نشستوں پر ہوئے انتخابات کے بعد آج ووٹوں کی گنتی شروع ہو گئی ہے، ووٹوں کی گنتی کا عمل صبح آٹھ بجے سے شروع ہو چکا ہے، امکان ہے کہ دوپہر تک انتخابی نتائج کا اعلان کردیا جائے گا۔

حالانکہ ایم ایل سی انتخابات کے ووٹوں کی گنتی کے دوران آگرہ سے بحث کی خبریں بھجی موصول ہوئی ہیں۔

موصولہ اطلاعات کے مطابق ووٹوں کی گنتی میں مصروف پارٹی ایجنٹ کی انتظامیہ سے کھانے پینے کے معاملے پر بحث ہوئی، اس دوران تیز شور اور ہنگامہ آرائی بھی ہوئی۔ جس کے بعد انتظامیہ نے پنڈال میں پانی کی بوتلیں اور کھانے کی اشیاء لے جانے پر پابندی عائد کردی ہے۔

11 نشستوں پر ہوئے انتخابات میں 199 امیدوار میدان میں تھے، اب ان کی قسمت کا فیصلہ آج ہو جائے گا۔

خبر لکھے جانے تک کسی طرح کی تازہ صورتحال موصول نہیں ہوئی ہے۔

قبل ازیں اتر پردیش کے چیف انتخابی افسر اجے شکلا نے بتایا تاھ کہ کوویڈ 19 پروٹوکول پر عمل کیا جائے گا، گنتی میں مصروف تمام انتخابی عملہ کوویڈ 19 پروٹوکول پر عمل کریں گے۔ ان کہنا تھا کہ دوپہر تک انتخابی نتائج کا اعلان کردیا جائے گا۔ 11 علاقوں میں انتخابات میں 55.47 فیصد ووٹ درج کیے گئے۔