یوپی پولیس نے شدت پسندی کے الزام میں گرفتار اسامہ کے چاچا کو حراست میں لیا

دہلی پولیس کے اسپیشل سیل نے شدت پسندی کے الزام میں گرفتار اسامہ کے چچا کو پریاگ راج سے حراست میں لے لیا۔ ان کو دہلی لانے کے بعد اسامہ کے سامنے بیٹھا کر ان سے پوچھ گچھ کی جائے گی۔

معلومات کے مطابق منگل کے روز دہلی پولیس اسپیشل سیل نے چھ مشتبہ شدت پسندوں کو مختلف مقامات سے گرفتار کیا تھا۔ ان میں دہلی سے گرفتار ہونے والا اسامہ بھی شامل ہے۔

پولیس کا دعویٰ ہے کہ اسامہ کو پاکستان میں ہتھیار چلانے اور بم بنانے کی تربیت ملی ہے۔ یہ بات اس نے پولیس کو بتائی تھی۔ اس نے پولیس کو یہ بھی بتایا کہ ان کے والد اور چچا کو اس کام کے لیے مالی مدد دی گئی تھی۔ اس انکشاف کے بعد ان کی تلاش جاری تھی۔ پولیس نے ان کے خلاف لک آؤٹ سرکلر بھی جاری کیا تھا۔

جمعہ کی شام یوپی پولیس نے دعویٰ کیا کہ حمید الرحمان جو اسامہ کے چاچا ہیں۔ پولیس کا الزام ہے کہ وہ آئی ایس آئی اور بین الاقوامی ٹیرر ماڈیول سے وابستہ ہیں۔ پریاگ راج سے پکڑے گئے حمید الرحمن کو لکھنؤ لایا جا رہا ہے اور وہاں سے دہلی پولیس کا اسپیشل سیل اسے دہلی لائے گی۔ اسامہ کے چچا پر الزام ہے کہ انہوں مشتبہ شدت پسند ذیشان اور اسامہ کو تربیت کے لیے پاکستان بھیجنے میں مدد کی تھی۔