لائن آف کنٹرول کو عبور کرنے والی دو پاکستانی نابالغ لڑکیوں کو آج بھارتی حکام نے انہیں ان کے وطن واپس بھیج دیا ہے۔ان دونوں لڑکیوں کو چکان دا باغ کراسنگ پوائنٹ پر پاکستان مقبوضہ کشمیر( پی او کے ) کے حکام کے حوالے کردیا گیا ۔
واضح رہے کہ اتوار کی صبح پونچھ کے میندھر کے بھارتی سرحدی علاقے میں دو لڑکیاں ملی تھی۔یہ دو بہنیں لائبہ زبیر( 17) اور ثناء زبیر(13) غلطی سے سرحد کرکے بھارت کے علاقے میں داخل ہوگئی تھی۔جس کے بعد سکیورٹی فورسز نے انہیں حراست میں لے لیا۔بعد میں ان دونوں کو مقامی پولیس کے حوالے کردیا گیا۔
یہ دو لڑکیاں پی او کے میں تحصیل فارورڈ کہوٹہ گاؤں عباس پور کی رہائشی ہیں۔ انہیں آج بھارتی حکام کی جانب سے مٹھائیاں اور تحائف دے کر اپنے وطن واپس بھیجا گیا۔
بھارتی سرحد پار کرنے والی دو پاکستانی لڑکیوں کو ملک واپس بھیجا گیا پونچھ سیکٹر اور دیگر علاقوں میں جنگ بندی کی خلاف ورزی کے متواتر واقعات کے پیش نظر لائن آف کنٹرول کے دونوں طرف اس طرح کے واقعات عام ہیں۔ ایل او سی کے قریب رہنے والے شہری اکثر نادانستہ طور پر بھارت یا پاکستان میں بھٹک جاتے ہیں اور انھیں متعلقہ عہدیداروں کے ذریعہ تفتیش کے بعد وطن واپس بھیج دیا جاتا ہے۔
