بستی: سڑک حادثہ میں 12 افراد زخمی، دو کی حالت نازک

ضلع بستی میں ایک مسافر بس پلٹ گئی جس میں بارہ مسافر زخمی ہوگئے ہیں جن میں دو کی حالت نازک بتائی جا رہ ہی ہے، زخمیوں کو علاج کے لیے اسپتال میں داخل کرایا گیا ہے۔

ریاست اترپردیش کے ضلع بستی میں مہاراشٹر کے شہر پونے سے آنے والی ایک ڈبل ڈیکر بس بے قابو ہو کر پلٹ گئی، جس میں 12 مسافر زخمی ہوئے جبکہ دو کی حالت تشویشناک بتائی جارہی ہے۔

زخمیوں کو علاج کے لئے اسپتال میں داخل کرایا گیا ہے جہاں ان کا علاج جاری ہے، ڈاکٹرز کے مطابق دو مسافر کی حالت نازک ہے جن کو خاص نگرانی میں رکھا گیا ہے۔

بس کے 70 سے زائد مسافر محفوظ ہیں۔ پولیس نے موقع پر پہنچ کر امدادی کاموں میں حصہ لیا۔ یہ حادثہ سٹی پولیس اسٹیشن علاقے کے امہٹ پل پر پیش آیا۔