آپی پی ایس افسروں کو کشمیر میں ٹریننگ دی گئی

آئی پی ایس افسروں کو عسکری مخالف آپریشنز اور دیگر جرائم سے نمٹنے کے لئے عملی تربیت کے لئے اب کشمیر روانہ کیا جا رہا ہے۔ ملک کے مختلف حصوں سے وابستہ ایسے کئی افسران کو اننت ناگ میں بھی تربیت دی جا رہی ہے۔

آئی پی ایس اکیڈمی کے ذریعے کئی افسران کو کشمیر میں ضروری تربیت کے لئے بھیجا جا رہا ہے۔ ان افسران کو کشمیر کے مختلف علاقوں میں سی آر پی ایف و دیگر سکیورٹی ایجنسیوں سے منسلک کر کے انہیں ضروری تربیت فراہم کی جارہی ہے۔ اننت ناگ میں سی آر پی ایف کی 40 بٹالین میں 2019 کے منتخب شدہ 2 آئی پی ایس افسروں کو عسکریت پسند آپریشنز کے ساتھ ساتھ دیگر ضروری تربیت دی جا رہی ہے۔

ان افسران کو کشمیر میں ہر طرح کی تربیت دی جاتی ہے۔ کسی بھی امکانی صورتحال پتھراؤ یا عسکریت پسندانہ کارروائی کو انجام دینے کی انہیں تربیت دی جا رہی ہے۔ ان افسران کے مطابق یہ تربیت آئی پی ایس کی عام ٹریننگ سے ہٹ کے ہوتی ہے۔

کیونکہ زمینی سطح پر حقائق کو جاننے اور جوانوں کے ساتھ ہر مشکل کا سامنا کرنا ضروری ہے تاکہ انہیں مستقبل میں کسی بھی محاذ کے لیے تیار کیا جا سکے اور افسران کو سی آر پی ایف کے روز مرہ کے آپریشنز کا حصہ بھی بنایا جا رہا ہے۔

واضح رہے کہ کشمیر میں اس طرح کی تربیت پہلی بار دیکھنے کو مل رہی ہے۔