India First Rapid Rail Track بھارت کے پہلے ریپڈ ریل ٹریک کا کام مکمل

بھارت کی پہلی ریپڈ ریل یعنی دہلی-غازی آباد-میرٹھ آر آر ٹی ایس کوریڈور کے ترجیحی سیکشن میں ٹریک بچھانے کا کام مکمل ہو گیا ہے۔ اس کے ساتھ ساتھ ٹرائل رن کی تیاریاں بھی جنگی بنیادوں پر جاری ہیں جس کا آغاز اگلے ماہ سے ہو گا۔ India First Rapid Rail Track

نئی دہلی:دہلی-غازی آباد-میرٹھ آر آر ٹی ایس کوریڈور کے 17 کلومیٹر طویل ترجیحی سیکشن پر ٹریک بچھانے کا کام مکمل ہو گیا ہے۔ اس سیکشن میں آر آر ٹی ایس کو فعال بنانے کے لیے تقریباً 34 کلومیٹر کا ٹریک بچھایا گیا ہے۔ ترجیحی سیکشن میں او ایچ ای اور سگنلنگ کا کام بھی تیزی سے جاری ہے۔ اب تک وایاڈکٹ پر 75 فیصد سے زائد اوور ہیڈ آلات (او ایچ ای) کی تنصیب کا کام مکمل ہو چکا ہے۔ Track laying in priority section completed for indias first rapid rail

دراصل او ایچ ای کی تنصیب کا کام ترجیحی سیکشن میں اکتوبر میں شروع کیا گیا تھا۔ اس وقت تین چوتھائی سے زیادہ کام مکمل ہو چکا ہے۔ اس کے تحت آر آر ٹی ایس ٹریک پر نصب ہونے والے او ایچ ای کو 25 ہزار وولٹ کی صلاحیت کے ساتھ چارج کیا جائے گا۔ اتر پردیش پاور ٹرانسمیشن کارپوریشن لمیٹڈ (UPTCL) کے ساتھ اترپردیش میں ترجیحی سیکشن کے کام کے لیے بجلی کی فراہمی کے لیے ایک معاہدے پر دستخط کیے گئے ہیں۔

این سی آر ٹی سی حکام سے موصولہ اطلاع کے مطابق ترجیحی سیکشن میں ٹرائل رن کی تیاریاں جنگی بنیادوں پر کی جا رہی ہیں۔ ٹرائل رن اگلے ماہ شروع ہو سکتا ہے۔ ترجیحی سیکشن میں 5 اسٹیشن صاحب آباد، غازی آباد، گلدھر، دوہائی اور دوہائی ڈپو ہیں۔ ایسکلیٹرز اور لفٹوں کی تنصیب کا کام ترجیحی سیکشن اسٹیشنوں پر کیا جا رہا ہے۔ اس کے ساتھ ہی ان تمام اسٹیشنوں کو مکمل کرکے انہیں حتمی شکل بھی دی جارہی ہے۔ اس کے علاوہ مسافروں کی سہولیات اور کاؤنٹرز کی تعمیر بھی آخری مراحل میں ہے۔ مزید یہ کہ 4 آر آر ٹی ایس ٹرینیں دوہائی ڈپو پہنچ چکی ہیں، جہاں مختلف ڈائینمک اور اسٹیٹک ٹسٹنگ جا رہی ہے۔ این سی آر ٹی سی نے آر آر ٹی ایس ٹرینوں کو ترجیحی سیکشن میں اگلے سال مارچ 2023 میں اور سال 2025 میں پورے کوریڈور پر چلانے کا ہدف مقرر کیا ہے۔